Yozuv — oʻzbek matnini uchala alifbo orasida tez va aniq oʻgiradigan bepul onlayn vosita.
Yozuv nima qila oladi
- Olti yoʻnalish. Kirilldan lotinga, lotindan kirillga, ikkala yozuvdan yangi lotinga va yangi lotindan ularga.
- Yozuvni oʻzi aniqlaydi. Matnni joylang — Yozuv uning qaysi alifboda ekanini topadi. Notoʻgʻri tanlansa, aytib qoʻyadi.
- Word, PDF va TXT fayllar. Word hujjatidagi shrift, jadval va rasmlar joyida qoladi; natijani TXT, Word yoki PDF qilib yuklab oling.
- Rasmiy matnlarda tekshirilgan. Qoidalar va lugʻat 5 milliondan ortiq soʻzli qonun hujjatlari va yangiliklar asosida sinalgan. Ikki xil yozilishi mumkin boʻlgan soʻzlar sariq rang bilan belgilanadi.
- Maxfiy. Matn va fayllar faqat sizning brauzeringizda oʻgiriladi va hech qayerga yuborilmaydi.
- Internetsiz ishlaydi. Bir marta ochilgandan keyin internet kerak emas; telefonga ilova sifatida oʻrnatish mumkin.
- Word uchun qoʻshimcha. Hujjatni Word ichida bir tugma bilan oʻgiring — oʻrnatish yoʻriqnomasi.
Qanday foydalaniladi
- Matnni yuqoridagi oynaga yozing yoki joylang, yoxud Word, PDF yoki TXT faylni tashlang.
- Qaysi yozuvga oʻgirishni tanlang: kirill, lotin (1995) yoki yangi lotin (2026).
- Natijadan nusxa oling yoki faylni yuklab oling. Sariq soʻzlarga bir koʻz yugurtiring.
Bepul va Pro
Oddiy foydalanish bepul: bir martada 5 000 soʻzgacha matn va 1 MB gacha fayl. Katta hajmdagi ish uchun Pro (oyiga 19 000 soʻm): 12 MB gacha fayllar, 300 sahifagacha PDF va bir martada 20 tagacha fayl (bitta .zip qilib yuklab olinadi). Pro haqida batafsil
Kirill, lotin (1995) va yangi lotin (2026) harflari
| Kirill | Lotin (1995) | Yangi lotin (2026) |
|---|---|---|
| Ўў | Oʻ oʻ | Ö ö |
| Ғғ | Gʻ gʻ | Ğ ğ |
| Шш | Sh sh | Ş ş |
| Чч | Ch ch | Ç ç |
| Ққ | Q q | Q q |
| Ҳҳ | H h | H h |
| Хх | X x | X x |
| Жж | J j | J j |
| Йй | Y y | Y y |
| Ёё | Yo yo | Yo yo |
| Юю | Yu yu | Yu yu |
| Яя | Ya ya | Ya ya |
| Ээ | E e | E e |
| Ъъ | ʼ | ʼ |
Qolgan harflar uchala alifboda bir xil oʻqiladi. Kirilldagi Ц, Ъ, Ь harflari lotinda qoidaga qarab yoziladi.
Koʻp beriladigan savollar
Bu bepulmi?
Ha. Bir martada 5 000 soʻzgacha matn va 1 MB gacha faylni roʻyxatdan oʻtmasdan bepul oʻgirish mumkin. Kattaroq fayllar va bir nechta faylni birdaniga oʻgirish uchun Pro bor.
Matnim xavfsizmi?
Ha. Oʻgirish sizning brauzeringizda bajariladi: matn ham, fayl ham serverga yuborilmaydi va saqlanmaydi.
Bu tarjimonmi?
Yoʻq. Yozuv tilni oʻzgartirmaydi, faqat alifboni: oʻzbekcha matn oʻzbekchaligicha qoladi, faqat kirill, lotin yoki yangi lotin harflarida yoziladi.
Yangi lotin alifbosida qaysi harflar oʻzgardi?
Toʻrt harf: Oʻ → Ö, Gʻ → Ğ, Sh → Ş, Ch → Ç. Qolgan harflar 1995-yilgi lotin alifbosidagidek qoladi. Batafsil: yangi lotin alifbosi.
Nega baʼzi soʻzlar sariq rangda?
Baʼzi soʻzlarni qoidaning oʻzi bilan aniq oʻgirib boʻlmaydi: masalan, kirilldagi ц lotinda s yoki ts boʻladi (цирк → sirk, лицей → litsey). Lugʻatda yoʻq bunday soʻzlar sariq bilan belgilanadi — ularni tekshirib chiqing va kerak boʻlsa qalamcha tugmasi bilan tuzating.
Word yoki PDF faylni oʻgirsa boʻladimi?
Ha. Word (.docx) hujjati joyida oʻgiriladi: formatlash, jadval va rasmlar saqlanadi. PDF fayldan faqat matn olinadi, natija oddiy matnli PDF, Word yoki TXT boʻladi. Skanerlangan PDF (rasm) oʻqilmaydi.
Internet boʻlmasa ishlaydimi?
Ha. Saytni bir marta ochganingizdan keyin u internetsiz ham ishlaydi. Telefonda uni ilova sifatida oʻrnatib qoʻyish mumkin.